Ведомство-ара орган составына хөкүмәт һәм профилле ведомстволар вәкилдәре инә. Эшсе төркөмдөң төп маҡсаты етемдәрҙе фатир менән тәьмин итеү проблемаһын бөтөрөү. Башҡортостанда фатир алыуға сиратта 4 мең ярым етем тора. Йыл һайын сират ҙурая бара. Уҙған йылда етемдәргә 700 фатир бирелгән. Быйыл льготаға хоҡуҡлыларға фатир алыу өсөн 2 миллиард 600 миллион һум ҡаралған. 2 мең 800 кешене фатирлы итеү маҡсаты ҡуйылған.
