Бөгөн Бөйөк Ватан һуғышы ҡаһарманы, Адольф Гитлерҙың шәхси дошманы, Ян Жижка исемендәге партизандар отряды командиры Даян Мурзиндың тыуыуына 101 йыл. Даян Баян улы ваҡиғаларға бай тормош юлы үтә. Кушнаренко педагогия училищеһының тарих уҡытыусыһы, Рәсәй мәғарифы алдынғыһы Илфир Ҡотдосов һөйләй.
“Ул халыҡ улы, уның менән сикһеҙ ғорурланабыҙ”, - ти Баҡалы район хакимиәте вәкиле Илһам Ғималетдинов.
Даян Мурзин тере сағында уҡ легенда булған шәхес. Ул Чехославакияның милли геройы, Чехия һәм Словакияның 15 ҡалаһында Почетлы граждан тип иғлан ителгән. Ул Өфөнөң дә Почетлы гражданы. Даян Баян улы 2012 йылдың февралендә вафат була.
