Балаларҙы яҡлау фонды ойошторған бәйгелә өс коррекция мәктәп-интернатының 6-8-се класс уҡыусылары ҡатнашты. Конкурсанттар үҙҙәре яһаған матрешка, ҡар бабай һындарын сағыу төҫтәргә биҙәне.
Балалар саф һауала бергәләп күңел асты, милли уйындарҙа һынау тотто. Сарала республика Мәғариф һәм фән министрлығының махсус белем биреү бүлеге етәксеһе Миләүшә Латипова, «Инвалид балалы ата-әсәгә булышлыҡ итеү» йәмәғәт ойошмаһы рәйесе Людмила Сәхәпова ҡатнашты.
Бөтә командаларға ла дипломдар һәм татлы бүләктәр тапшырылды. Сара Рәсәй халыҡтарының сәнғәт һәм мәҙәни мираҫы йылына арналды.
