Проект Республика Башлығы Радий Хәбиров үткәргән “Инвестиция сәғәте” ултырышында ҡаралды. Эшҡыуар Руслан Аҡсурин тау саңғыһы курорты өсөн 68 миллион һум йәлеп итергә ниәтләй. Миәкә районы хакимиәте башлығы Ришат Аҡтуғанов әйтеүенсә, тау саңғыһы комплексы йәш быуында спортҡа һөйәү тәрбиәләүҙә ҙур әһәмиәткә эйә.
Миәкә районында тау саңғыһы курорты йыл әйләнәһе эшләр тип көтөлә. Инвестиция проектына өҫтөнлөклө статусы бирелде.
