Республикала 65 йәштән өлкәндәр өсөн асылған махсус вакциналау нөктәләрендә 12 меңдән ашыу кеше прививка яһатҡан. Ошондай пункттар былтыр «Берҙәм Рәсәй» фирҡәһе башланғысы менән булдырылды.
Әле Башҡортостанда 59 пункт иҫәпләнә. Туймазы районында урынлашҡан күсмә кабинетта «Сәләмәт кесаҙна» ойошторола. «Вакцинаның сирҙән һаҡлауына ышанам. Шуға прививкаға килдем», – ти 92 йәшлек хеҙмәт ветераны Хәниә Талбетдинова.
