М-5 трассаһының Өфө янынан уҙған өлөшөндә яңы кафе эшләй башланы. Уны инвесторҙар ярҙамында модулдәрҙән төҙөйҙәр. Йәғни тиҙ арала ҡорола торған биналар. Юл сите туҡланыуы сервисы үҫеше тураһында киләһе репортажда.
Юл буйында булһа ла аҙыҡ -түлек өйҙәге шикелле. Меню тулыһынса урында уҡ әҙерләнә. Бер генә ризыҡ та ситтән килтерелмәй. Ашнаҡсылар өсөн барлыҡ шарттар ҙа булдырылған. Был уңайлыҡтар ашаған аҙыҡ сифатында сағылыш таба. Бер нисә көн генә эшләүенә ҡарамаҫтан, халыҡтың кафеға йыш бапшлауы ла ошо хаҡта һөйләй.
Тап тиҙ арала барлыҡҡа килеүе менән дә кафе үҙенсәлекле. Уны инвесторҙар республиканың сауҙа һәм хеҙмәттәр министрлығының проекты буйынса модулдәрҙән төҙөй. Ведомство шулай уҡ ер мәсьәләләре менән дә ярҙам итә. Бренд, стилистика ла республика милке һанала. Әҙер бинаға барып инеү туҡландырыу өлкәһе йүнселдәренә эште күпкә тиҙерәк башлау мөмкинлеге бирә.
Юл буйы компексында оҙон сәфәргә сығыусылар өсөн бар уңайлыҡтар ҡаралған. Бәҙрәфтән тыш бында айырым ғибәҙәт ҡылыу бүлмәһе лә бар. Маҡсат юлаусылар үҙҙәрен өйҙәрендә кеүек хис итергә тейеш.
Бындай комплекстарҙың хаҡы 6 миллдион һум тирәһе. Сауҙа һәм хеҙмәттәр министрлығына 64 эшҡыуар юл буйы кафеһы төҙөү теләге белдергән дә инде. Дөйөм инвестициялар күләме 8 миллиард һумдан ашыу.
Айнур Кәбиров
