Һырғалаҡҡа санала. Өфөнөң «Ҡашҡаҙан» паркында мөмкинлектәре сикләнгән балаларға ял итеү өсөн шарттар тыуҙырылды. Хәҙер үҙаллы атлай алмаған, күреү, йә ишетеү һәләте насар булған малай-ҡыҙҙар махсус ҡоролмаға ултырып, боҙҙа шыуа ала.
Һырғалаҡ етәкселеге ярҙамы менән инвалидтарға был хеҙмәт бушлай күрһәтелә. Баш ҡалала йәшәүселәр билдәләүенсә, коньки лезвиеһында шыуған сана ҙур һорау менән ҡулланыласаҡ. Әйткәндәй, ул ағастан эшләнгән, хәүефһеҙлек ҡайыштары ла бар.
Гөлназ Хәйбуллина
