Бөгөн стационарҙарҙа 170 кеше дауалана, уларҙың 109-ы 60 йәштән өлкәндәр. Ауыр хәлдәге 45 пациенттың берәүһе ИВЛ аппаратына тоташтырылған. Тағы ла 4 545 кеше амбулатор дауаланыу курсы үтә. Тәүлек эсендә дауаханаларҙан 364 кеше һауығып сыҡҡан, коронавирустан 16 үлем осрағы теркәлгән.
Республика халҡын коронавирусҡа ҡаршы вакциналау дауам итә. Планда 2 484 667 кешене вакциналау. Бөгөнгә төбәктә 2 182 936 кеше вакцинаның ике дозаһын да ҡаҙатып өлгөргән. Был прививка яһалырға тейешле халыҡтың 88 процентҡа яҡыны. Тәүлек эсендә медицина учреждениеларына вакцинация үтеү өсөн 13 807 кеше мөрәжәғәт иткән.
Гөлдәриә Йосопова
