Бында килеүсе халыҡ дауаханала кеүек үк анкета тултырып, табип тикшереүе үткәндән һуң, прививка ҡаҙата ала. Өҫтәмә вакцинация пункты сәғәт ундан өскә тиклем эшләй.
«Берҙәм Рәсәй» партияһы ойошторған «Өлкәндәрҙе хәстәрләп» акцияһы сиктәрендә вакцинация үткән 65 йәштән өлкәнерәк граждандар бүләккә эйә була. Йыйылмала коронавирустан һаҡланыу саралары – битлек һәм санитайзерҙар. Ай һайын прививка ҡаҙатыусылар араһында тонометр ҙа уйнатыласаҡ.
«Берҙәм Рәсәй» фирҡәһенең «Беҙҙең хәстәрлек» ирекмәндәр штабы Кушнаренко районында ла пандемия шарттарында ауыр хәлдә ҡалыусыларға ярҙам итә. Ирекмәндәр өлкән йәштәгеләргә ҙыҡ-түлек һәм дарыуҙар илтә, вакцинация пункттарына алып бара.
