Драматургия һәм сәхнә әҫәрҙәре өлкәһендә тәүге аҙымдарын яһаусылар «Драм-квадрат» балалар һәм үҫмерҙәр өсөн театраль лаборатория» белем биреү проектында шөғөлләнгән. Был проект Шотландияның «Траверс» театрының үҫмерҙәр менән эшләү методикаһы буйынса эшләй. Йәш драматург Әнгизә Ишбулдина үҙе янына режиссура, драматургия менән мауығыусы үҫмерҙәрҙе йыйған.
Театрҙың бәләкәй сәхнәһендә үҫмерҙәр ижад иткән спектаклдәрҙән иң ҡыҙыҡлы өҙөктәр сәхнәләштерелде. Иң бәләкәй авторға 13, ә иң өлкәненә 17 йәш. Өфөнөң 35-се белем биреү үҙәгенең 7-се синыф уҡыусыһы Таисия Иванова өсөн был тәүге премьера.
Гүзәл Борханова
