Әлегә был пандемяи башланған осорҙан иң юғары күрһәткес. Бөгөн стационарҙарҙа 229 кеше дауалана, уларҙың 141-е 60 йәштән өлкәндәр. Ауыр хәлдәге 35 кешенең өсәүһе үпкәне яһалма елләтеү аппаратына тоташтырылған.
Тағы ла 7 887 сирле амбулатор дауаланыу курсы үтә. Тәүлек эсендә дауаханаларҙан 609 кеше һауығып сыҡҡан, 18 кеше вафат булған.
Республикала халыҡты коронавирусҡа ҡаршы вакциналау дауам итә. Бөгөн төбәктә 2 216 575 кеше вакцинацияны тулыһынса тамамлаған, был прививка эшләтергә тейешле халыҡтың 89 проценттан ашыуы. Тәүлек эсендә медицина учрждениеларына прививка яһатыу өсөн 11 572 кеше мөрәжәғәт иткән.
Гөлдәриә Йосопова
