Хөкүмәттә үткән оператив кәңәшмәлә Республика Башлығы Радий Хәбиров Мортаза Ғөбәйҙулла улын тыуған көнө менән тәбрикләне. Уның Башҡортостанды үтә яуаплы осорҙа етәкләүен билдәләне.
Башҡортостан халҡы 1993 йылдың 12 декабрендә Мортаза Рәхимовты Республика Президенты итеп һайлай. “Ул республиканы һаҡлап ҡалыуға һәм үҫтереүгә ҙур өлөш индерҙе. Башҡортостан Рәсәйҙең ныҡлы терәге булған төбәккә әйләнде”, - ти замандаштарыбыҙ. Яҙыусы Ғәлим Хисамов Мортаза Рәхимовҡа арналған роман ижад итте. “Әҫәр оло дәүерҙе сағылдыра”, - ти ул.
Республика халҡы социаль селтәрҙә Мортаза Рәхимовты тыуған көнө менән тәбрик итә. Матур теләктәр яҙылған видеояҙмалар ебәрә.
