Саҡмағош районының үҫмерҙәр командаһы бөтә Рәсәй хоккей турнирында еңеү яуланы. “Беҙҙә хоккей спортын үҫтереүгә ҙур иғтибар бирелә. Был еңеү иһә йәштәрҙе тағы ла ҙурыраҡ бейеклектәргә әйҙәр”, - ти район хакимиәтенең Йәштәр эштәре, физкультура һәм спорт комитеты етәксеһе Илдар Ғәлләмов.
“Алтын шайба” турнирында Татарстандың Баулы ҡалаһы икенсе урын яулаған. Өсөнсөлә - ошо уҡ республиканың Аҡтаныш хоккейсылары. Бәйгелә илдең төрлө төбәктәренән 20-гә яҡын команда ҡатнашҡан.
