Ғәҙәттән тыш хәлдәр министрлығының Башҡортостандағы баш идаралығы мәғлүмәттәре буйынса янғын ҡаланың Урау урамындағы 5 ҡатлы йорттағы бер бүлмәле фатирҙа сыҡҡан. Ваҡиға урынына янғын һүндереүселәр саҡырылмаған. 60 йәшлек ирҙең кәүҙәһен фатир хужаһы осраҡлы рәүештә тапҡан.
Белгестәр фекеренсә, фажиғә бер нисә көн элек теркәлгән. Әле урында тәфтишселәр эшләй. Яҡынса мәғлүмәттәр буйынса янғынға һаҡһыҙ рәүештә тәмәке тартыу сәбәпсе булыуы ихтимал.
