Пандемия башланған көндән дөйөм күрһәткес 155 меңгә ыңғайлай. Стационарҙарҙа әле 322 пациент дауалана, уларҙың 31-е ауыр хәлдә. Тын юлдарын яһалма елләтеү ҡоролмаларына тоташтырылыусылар юҡ. Һуңғы тәүлектә шулай уҡ 3 меңгә яҡын кеше һауыҡҡан, мәкерле сирҙән 18 кешенең ғүмере өҙөлгән. Дөйөм үлем күрһәткесе әкренләп 5 меңгә яҡынлай.
2 миллион 255 меңдән ашыу кеше вакциналауҙы тулыһынса тамамлаған. Был коллектив иммунитет булдырыу өсөн прививка ҡаҙатырға тейешле халыҡтың 90 проценты. Һуңғы тәүлектә вакциналаныусыларҙың исемлеге яҡынса 11 меңгә тулыланған. Башҡортостанға барлығы 3 миллион доза самаһы коронавирусҡа ҡаршы вакцина килтерелгән.
