Баймаҡ егете Тимерйән Рәжәпов 19 йәшендә хәрби хеҙмәткә алына. Ул Афғанстанда бронетранспортер механик-водителе була. 1989 йылдың февралендә тыуған яғына ҡайта. Бөгөн ул Башҡортостан хәрби хәрәкәттәр ветерандары ойошмаһын етәкләй.
Бөгөн Өфөлә “Беҙҙең хәстәрлек десанты” акцияһы үтә. Уны ойоштороусылар һәләк булған хәрби-интернационалистарҙың ғаиләләренә аҙыҡ-түлек тупланмаһы тапшыра.
