Уҙған тәүлектә сир 4 мең 459 кешелә асыҡланған. Стационарҙарҙа әле 302 пациент, уларҙың 43-ө ауыр хәлдә. Амбулатор шарттарҙа 30 меңдән ашыу кеше дауалана, бер тәүлек эсендә 3 мең 152 кеше һауыҡҡан.
19 яңы үлем осрағы теркәлгән. Республикала коронавирусҡа ҡаршы коллектив иммунитет булдырыу буйынса саралар ҙа дауам итә. Һуңғы тәүлектә 9 мең ярым самаһы кеше прививка эшләткән. Вакциналауҙы тулыһынса тамамлаусылар 2 миллион 294 меңдән ашыу.
Был коллектив иммунитет булдырыу өсөн прививкаланырға тейешле халыҡтың 92,4 проценты. Шулай уҡ 12-17 йәштәрҙәге 2 мең 880 мәктәп уҡыусыһы вакцина ҡаҙатҡан.
