Был турала Владимир Путин ил халҡына мөрәжәғәтендә белдерҙе. Һуңынан ул төбәктәрҙе айырым дәүләттәр тип таныу тураһындағы Указға ҡул ҡуйҙы.
Федераль Йыйылыш был ҡарарҙы хуплауын, ике республика менән дуҫлыҡ һәм үҙ-ара ярҙам тураһындағы килешеүҙе раҫлауын һорайым, тине ил етәксеһе. Йәмәғәт палатаһы ағзаһы Олег Ғәлин Рәсәй яғынан был мөмкин булған берҙән-бер аҙым тип билдәләне.
Донбастағы хәл уҙған аҙнала киҫкенләште: Донецк һәм Луганск халыҡ республикалары вәкилдәре Украина ҡораллы көстәре уларҙың позициялары буйынса ут асыуын белдерҙе. Ҡатмарлы хәрби хәлгә бәйле, был республикалар биләмәләрендә эвакуация иғлан ителде.
