Районда 1812 йылғы Ватан һуғышы башланыуға 210 йыл тулыуға бағышланған сара үткән. Бәләкәй Арыҫланғол ауылы халҡы тарихи ваҡиғаны реконструкциялаған. “Ир-егеттәрҙе яуға оҙатыу, еңеүселәрҙе ҡаршылау мәлен сағылдырҙыҡ, һуғыш яланындағы күренештәрҙе һүрәтләнек. Күмәкләп хәрби костюмдар, һөңгө, ҡалҡан һәм башҡа ҡоралдар әҙерләнек”, - ти Рәил Ғәлиев.
“Ауыл халҡы бөтә сараларҙа әүҙем ҡатнаша”, ти Вәзәм ауыл мәҙәниәт йорто хеҙмәткәре Гөлназ Сурина.
