Баш ҡалалағы лимонарийҙа “Юбилей” һәм “Ташкент” сортына ҡараған 1 меңдән ашыу цитрус емеш ағасы үҫә. “Улар йыл һайын 22 мең тоннаға яҡын уңыш бирә”, - ти лимонарий етәксеһе, селекционер Фәриҙә Садыҡова.
Өфө лимондары быйыл “Рәсәйҙең иң яҡшы 100 тауары” конкурсының “Аҙыҡ-түлек тауарҙары” номинацияһында еңеү яуланы. Фәриҙә Садыҡова белереүенсә, ағастар химикаттар менән ашланмай. Лимондан башҡа, хужалыҡта әфлисун, цитрон һәм грейпфрут ағастары үҫә. Күптәр Өфө лимонарийын “Башҡортостан ынйыһы” тип атай.
