Ул Өфөнән сығыу өсөн тәғәйенләнә. Был 1956 йылда төҙөлгән күперҙе 1 мартта капиталь ремонтҡа ябыу менән бәйле. Яңы үткәүелдә хәрәкәт тәртибе тураһында юл билдәләре ҡуйылған.
Салауат Юлаев проспектынан иҫке күпергә инеү урынына бетон блоктар ҡуйылған. Ремонт эштәренә бәйле, транспорт хәрәкәтендә әллә ни ҡатмарлыҡтар тыумаҫҡа тейеш. 4 һыҙат буйынса баш ҡаланан сығырға, икенсеһе аша Өфөгә 4 һыҙат йүнәлешендә инергә мөмкин. Уның береһендә, транспорт ағымына ҡарап, реверсив хәрәкәт ойошторола.
