Һаулыҡ һаҡлау министрлығынан шул турала белдерәләр. “Торатау” Конгресс-холы, “Башҡортостан” лайфстайл-үҙәге һәм “Планета” сауҙа үҙәгендәге пункттар эшмәкәрлеге туҡтатыла. Бындай ҡарар вакцина эшләргә тейешле халыҡ кәмеүе менән аңлатыла. Ҡала поликлиникаларында һаман да прививка яһатырға була. Бөгөнгә 2 миллион 460 меңдән ашыу кеше коронавирустан вакцинаның беренсе компонентын эшләткән, йәғни вакцина алырға тейешле халыҡтың 99 проценты иммунизация үткән. Шулай итеп, республикала тағы 24 мең самаһы кешегә прививка яһатырға ҡала. Әлеге мәлдә ревакцияналау бара.
