Ул Алкинда элекке хәрби часть биләмәһендә урынлашҡан. Башҡортостан Башлығы әйтеүенсә, хәрби-патриотик лагерь быйыл июндә тәүге курсанттарҙы ҡабул итә.
“Патриот” хәрби-илһөйөрлек паркы 2019 йылда төҙөлә башлай. Бында уҡыу-методик үҙәге, “Партизандар ауылы” тигән тарихи-мемориаль комплекс, хәрби техника музейы, физкультура-һауыҡтырыу үҙәге һәм башҡалар була. Паркта 14-18 йәшлек үҫмерҙәр өсөн сменалар ойошторола.
