Ҙур һыу килгән осорҙа граждандарҙы һәм биләмәләрҙе һаҡлау өсөн штабтар һәм ваҡытлыса йәшәү пункттары ойошторола, техника әҙерләнә, ҡотҡарыусылар менән уҡыуҙар үткәрелә. Республика буйынса 257 биләмәгә ташҡын янай, был осорҙа хәүефһеҙлекте тәьмин итеү өсөн бөтә ведомстволар ҙа әҙер, ти Ғәҙәттән тыш хәлдәр буйынса дәүләт комитеты рәйесе Фәрит Ғүмәров.
Өфөлә 4 меңгә яҡын йортто һыу баҫыуы ихтимал. Ҡала буйынса ташҡын эҙемтәләрен кәметеү буйынса эш алып барыла, ҡотҡарыусылар иң хәүефле фараздарҙы күҙ уңында тота.
