Үткән аҙнала Башҡортостан Луганск һәм Донецк халыҡ республикаларына 75 тонна йөк оҙатты. Бөгөн Башҡортостан Башлығы Радий Хәбиров Хөкүмәттә үткән оператив кәңәшмәлә әйберҙәр йыя башларға, икенсе ылау әҙерләргә ҡушты.
Украинала барған махсус хәрби операцияла Башҡортостан егеттәре лә һәләк булды. Республика Ейәнсура районынан Алексей Кондратьевты һуңғы юлға оҙатты. Радий Хәбиров хәрби бурысын үтәгәндә ғүмере ҡыйылған һалдаттарҙың ғаиләһенә ярҙам күрһәтеүҙе айырым иғтибар үҙәгенә алырға ҡушты.
