Декабрҙә ҡарҙың аҙ булыуы, тупраҡтың туңыуы, көндәрҙең йылы тороуы сәсеүлектәрҙе юҡҡа сығарған. Был турала бөгөн хөкүмәттә үткән опратив кәңәшмәлә вице-премьер – ауыл хужалығы министры Илшат Фәзрахманов белдерҙе. Быйыл 2 миллиондан ашыу гектар майҙанда ярауай культуралар сәсеү планлаштырыла.
Яҙғы сәсеүҙе өсөн 20 миллиард һумдан ашыу аҡса кәрәк. Илшат Фәзрахманов белдереүенсә, ауыл хужалығы министрлығы ҡыҫҡа ваҡытҡа кредит алырға иҫәп тота. Белгестәр әйтеүенсә, яҙ иртә килә. Ер эшкәртеү һәм сәсеү машиналары 20 мартҡа тиклем әҙер булырға тейеш.
