Рәсәй Президенты Владимир Путин 8 йәштән 16 йәшкәсә бала тәрбиәләгән аҙ килемле ғаиләләргә матди ярҙам итергә ҡушты. Пособие ғаилә килеменә ҡарап түләнә. Ул республикала билдәләнгән балаға йәшәү минимумына ҡарап тәғәйенләнә. Сумма 5 мең 300, 8 мең йәки 10 мең 600 һум булыуы ихтимал. Республикала балалы ғаиләләргә 20 төр пособие түләнә. 70 меңдән ашыу ғаиләгә дәүләт матди ярҙам күрһәтә.
