Декабрҙә ҡар аҙ булыу, тупраҡ туңыу сәбәпле, ҡайһы бер сәсеүлектәр юҡҡа сыҡҡан. Быйыл 2 миллион гектарҙан ашыу майҙанда иртә өлгөрөүсе культуралар сәсеү планлаштырыла.
Яҙғы баҫыу эштәрен башҡарып сығыу өсөн 20 миллиард һумдан ашыу аҡса кәрәк. Ауыл хужалығы министрлығы ҡыҫҡа мөҙҙәтле кредиттарға өмөт итә. Белгестәр әйтеүенсә, яҙ иртә килә. Ер эшкәртеү һәм сәсеү машиналары 20 мартҡа тиклем әҙер булырға тейеш.
