Дәүләт Йыйылышы – Ҡоролтай депутаттары федераль законға төҙәтмәләр әҙерләгән. Ҡануни башланғыста лицензияһыҙ металл ҡабул итеүсе эшҡыуарҙарға – 50, юридик шәхестәргә 200 мең һум күләмендә штраф һалыу тәҡдим ителә.
Ҡабатлап тотолған осраҡта, штраф икеләтә арта. Тимер ҡабул иткән урындар ҡайһы берҙә енәйәт ояһына әйләнә. Бында ялған спиртлы эсемлектәр менән сауҙа итеү осраҡтары ла теркәлә. Шуға металлалом пунктары эшмәкәрлеген закон менән көйләү талап ителә.
