Дәүләт Йыйылышы–Ҡоролтай депутаттары мәғарифкә бәйле ҡануниәткә төҙәтмәләр әҙерләй. Уға ярашлы, туған телде һәм әҙәбиәтте өйрәнергә теләгән уҡыусылар өсөн мөмкинлектәр арта. Парламент вице-спикеры Рөстәм Ишмөхәмәтов:
Туған телде һаҡлау мәсьәләһе Башҡортостан һәм башҡа төбәктәр өсөн көнүҙәк булып ҡала. Закон проекты буйынса парламент вәкилдәре Рәсәй төбәктәренән саҡырылған ғалимдар менән фекер алышҡан. “Коллегалар беҙҙең башланғыстарҙы тулыһынса хупланы. Уны федераль кимәлдә лә ҡабул итеүгә булышлыҡ итеүҙәре тураһында белдерҙеләр”, ти Рөстәм Ишмөхәмәтов. Вице-спикер әйтеүенсә, ҡанун туған телдәрҙе өйрәнеү теләге булмаған балаларҙың хоҡуҡтарын боҙмай.
Рәсәй Мәғариф тураһындағы законына төҙәтмәләр тиҙҙән Дәүләт Думаһына тәҡдим ителә.
