Был объекттарға аҡсалар бүленгән һәм эштәр бер ниндәй ҡатмарлыҡтарға ҡарамай дауам ителәсәк. Был турала Башҡортостандың транспорт һәм юл хужалығы министры ведомствоның коллегия ултырышында белдерҙе.
Бөгөн тармаҡ хеҙмәткәрҙәре үткән йыл йомғаҡтарын барлап киләһе йылға маҡсаттар билдәләне. Министр әйтеүенсә, былтыр юл төҙөлөшөнә һәм төҙөкләндереүгә бығаса булмаған күләмдә аҡсалар йәлеп ителгән. Төбәк заказдары 29 миллиард һумға еткән. Шул иҫәптән ун миллиард һумы федераль ҡаҙнанан бүленгән. Был аҡсалар башланған төҙөлөштәрҙе лә тамамлап ҡуйыу мөмкинлеге бирә.
Транспорт тәьминәте йәһәтенән дә Башҡортостан быйыл яҡшы күрһәткестәргә өлгәшкән. Өфө аэропорты 4 миллионынсы пассажирын ҡабул итһә, «Башавтотранс» бығаса булмаған күләмдә автобустар ҡайтарҙы. Тимер юлы ла йөк ташыу буйынса табышлы эшләгән. Алда тағы ла етдирәк бурыстар. Иң мөһиме хеҙмәт урындарын һәм эш хаҡын һаҡлап ҡалыу , тине Хөкүмәт Премьер-министры урынбаҫары
Айнур Кәбиров
