Уны нәшер итеүгә тормош иптәше Римма Әхмәтйәнова ҙур өлөш индергән. Дамир Шәрәфетдинов 2020 йылдың 21 февралендә вафат булды. Уға 54 йәш ине. “Йыйынтыҡҡа һуңғы йылдарҙа яҙылған шиғырҙары инде”, ти Римма ханым.
Римма Әхмәтйәнова белдереүенсә, ул шағирҙың публицистик яҙмаларын да бер китапҡа тупларға ниәтләй. "Иҙел башы" яҙыусылар берлеге Дамир Шәрәфетдинов исемендәге ижади конкурс ойошторҙо. Еңеүселәрҙе март аҙағында бүләкләү ҡарала. Уның барышында яңы китап менән дә таныштырыу була.
