Башҡортостанда сит ил компанияларында эшләгән хеҙмәткәрҙәргә ҡайҙа барырға? Бөгөн Ғаилә, хеҙмәт һәм халыҡты социаль яҡлау министры Ленара Иванова ошо һәм башҡа һорауҙарға яуап бирҙе. Башҡортостандың мәшғүллек баҙарында 48 мең вакансия бар. “Ойошмалар эшсе ҡулдарға можтах”, - тине Ленара Иванова. Ведомство етәксеһе Ишембайҙағы “Аркада” махсус иҡтисади биләмәһен миҫалға килтерҙе.
Тура элемтә Республика хөкүмәтенең “Бәйләнештә” социаль селтәрендәге рәсми сайтында “Аңлатабыҙ.Башҡортостан” проекты һәм Республика менән идара итеү үҙәге ҡатнашлығында ойошторолдо.
