Бөгөн республика район-ҡалаларында Рәсәй Ҡораллы Көстәренең Юғары баш командующийы Владимир Путиндың башланғыстарын хуплап патриотик автоуҙыш үтте. Төп сара Өфөнөң Дим биҫтәһендә ойошторолдо. Төрлө йәмәғәт ойошмаларынан 200-ҙән ашыу вәкил колонналарға теҙелеп баш ҡала урамдары буйлап уҙҙы.
Сара шулай уҡ Ҡырым республикаһының Рәсәйҙәге 8-се яҙын билдәләүгә лә арналды. Ярымутрау бөгөн сәскә ата, позитив үҙгәрештәр, тотороҡлолоҡ хакимлыҡ итә. Ә быйыл февралдә Рәсәй Луганск һәм Донецк халыҡ республикаларының бойондороҡһоҙлоғон таныны. Әйткәндәй, иҫтәлекле датаға арнап Өфөлә митинг-концерт та үтә. Ул 18 мартта Өфөнөң «Торатау» конгресс-холы янындағы майҙанда уҙа. Көндөҙгө сәғәт 2-лә башлана.
Азат Ғәлиуллин
