Диспансер һәм профилактик медицина тикшереү сараһы СOVID-19 сире менән бәйле туҡтатылып торғайны. 21 февралдән ул йәнә тергеҙелде. Медицина учреждениелары 18 йәштән өлкәндәрҙе һәм ковидтан һуң сәләмәтлек торошон тикшерергә саҡыра. Уға дәүләт хеҙмәттәре порталы, 122 телефоны буйынса, йә поликлиникаға шылтыратып яҙылырға мөмкин.
Тәүге этапта ҡан составы тикшерелә, электрокардиограмма, флюрография үткәрелә, 40 йәштән өлкән ҡатын-ҡыҙҙарға маммография тәғәйенләнә. Сәләмәтлектә ниндәйҙер тайпылыш булһа, терапевт артабан белгескә йүнәлтмә бирә.
Рәмилә Исмәғилева
