Ул сафҡа ингәс тә уникаль проектты башҡа төбәктәр менән бүлешергә әҙербеҙ, тине Радий Хәбиров. Республика башлығы бөгөн дауалап булмаған сирҙәр менән ауырыусы өлкәндәргә һәм балаларға ярҙам күрһәтеү үҙәгендә эш барышы менән ҡыҙыҡһынды.
Әле хоспистың биналары тулыһынса ҡыйыҡ аҫтына ҡуйылған Электр уты, интернет, йылытыу селтәрҙәре лә сафҡа индерелгән. Әйткәндәй, барлыҡ коммуникациялар ҙа ресурстар менән тәьмин итеүсе компанияларҙың хәйриәлек аҡсаларына төҙөлгән. Хәҙер төҙөүселәргә эске биҙәү эштәрен башҡараһы ҡала.
Әле 517 миллион һумға эштәр башҡарылған. Ләкин төҙөлөш материалдарына хаҡ артыу сәбәпле, сметаға төҙәтмәләр индереү талап ителә. Хоспис төҙөлөшөнөң дөйөм хаҡы бер миллиард һумға баһалана.
Айнур Кәбиров
