Баш ҡалала “Артылыш” республика театрҙары фестивале башланды. “Артылыш – үҙенсәлекле оҫтахана. Беҙ аралашабыҙ, тәжрибә туплайбыҙ”, - ти Мәҙәниәт министрлығы бүлек етәксеһе Зиннур Сөләймәнов.
“Артылыш” фестивале барышында 10-дан ашыу сәхнә әҫәре күрһәтелә. Мәҫәлән, бөгөн Салауат башҡорт драма театры артистары “Һырғалаҡ” спектаклен ҡуя. “Ижади төркөм балалар баҡсаһы тәрбиәсеһенең яҙмышын сағылдырҙы”, - ти әҙәбиәт бүлеге хеҙмәткәре Динә Бәширова.
