Эшҡыуар Алмас Дауытов крематор етештерә. Ҡоролма ярҙамында хәүефле биологик ҡалдыҡтар юҡҡа сығарыла. "Малсылыҡ тармағында барлыҡҡа килгән мәсьәләләр мобиль ҡоролмаларға ихтыяжды арттырҙы", - ти бизнесмен.
Республикала 150-нән ашыу төр ауыл хужалығы техникаһы йыйыла. Был эш 2000-нсе йылдарҙа башланған. 60-ҡа яҡын предприятиела сит ил техникаһы өсөн запас өлөштәр сығарыла. Башҡортостан агросәнәғәт комплексының ремонт-хеҙмәтләндереү берләшмәһе етәксеһе Рөстәм Зәйнуллин.
Республика етәксеһе Радий Хәбиров ауыл хужалығы тармағы өсөн яңы техника һатып алыуға артабан да дәүләт ярҙамы буласағы тураһында белдерҙе. Былтыр, мәҫәлән, сығымдар 1 миллиард 600 миллион һумға субсидияланған, 12 миллиард һумға техника алынған.
