Ауылдар дуҫлаша. Хәйбулла районы Бәләкәй Арыҫланғол ауылы халҡы Ырымбур өлкәһе Сембер ауылында осрашыу үткәргән. Уның барышында һәүәҫкәр артистар сығыш яһаған. Кәсепселәр ырымбурҙар өсөн оҫталыҡ дәрестәре ойошторған. “Сембер ауылы уңғандарын кейеҙ баҫырға өйрәттем”, - ти Баныу Мөхәммәтова.
“Дуҫлыҡ күперҙәре өҙөлмәһен. Хәҙер йышыраҡ осрашырға һүҙ ҡуйыштыҡ”, - ти Ырымбур өлкәһендә йәшәгән Айгөл Саматова һәм Рәшиҙә Дүсмөхәмәтова.
Сембер ауылында йәшәүселәргә башҡортса китаптар ҙа тапшырылған.
