Башҡортостан мәктәптәрендә балаларҙың туҡланыуы стратегик башланғыстар агентлығы конкурсы номинацияһында иң яҡшыһы тип танылды. Бәйгелә ҡатнашыу өсөн илдең 63 субъектынан 532 ғариза ҡабул ителгән.
Башҡортостан башлығы Радий Хәбиров билдәләүенсә, мәктәптәрҙә туҡланыу сифаты күтәрелеү менән бер рәттән урындағы тауар етештереүселәрҙең продукциялары ла артҡан. Был өлкәләге башланғыстарҙы тормошҡа ашырыу өсөн яңы инвесторҙар йәлеп ителгән.
Республика мәктәптәрендә туҡланыу системаһы белгестәрҙең һәм ата-әсәләрҙең фекерен иҫәпкә алып ойошторола. Ике йыл элек башланған реформаға ярашлы бөтә учреждениеларҙа сәләмәт туҡланыу өсөн ҡаралған меню төҙөлә. Социаль селтәрҙәрҙә туҡланыу сифатына зарланыусылар бер йыл эсендә ете тапҡырға кәмегән.
Флорида Ким
