Бөгөн баш ҡалала үткән “АРТ-ҠОРОЛТАЙ” мәҙәни форумы барышында байтаҡ күргәҙмәләр ҡуйылды. Әхмәтзәки Вәлиди исемендәге республика милли китапханаһы эпостар экспозицияһын тәҡдим итә. Ҡулъяҙмалар һәм һирәк китаптар бүлеге етәксеһе Флүр Сибәғәтов әйтеүенсә, бында иң боронғо дастандар урын алған.
Бөгөн “Асыҡ студия” тапшырыуында мәҙәни йыйын барышында күтәрелгән мәсьәләләр буйынса фекер алышыу була. Әңгәмә 18 сәғәт 15 минутта башлана. Һорауҙар өсөн бәйләнеш телефоны: 8 (347) 285-77-85.
