Мәктәп уҡыусылары яҙғы каникулға сыҡты. Ҡотҡарыусылар ата-әсәләрҙе иғтибарлы булырға, балаларҙы яңғыҙ ҡалдырмаҫҡа кәңәш итә. Башҡортостан юл полицияһы “Иғтибар – балалар!” тигән профилактик сара үткәрә. “Бәлиғ булмағандарҙың ғүмерен хәүеф аҫтына ҡуймағыҙ. Юлда йөрөгәндә уларға өлгө күрһәтегеҙ, ҡағиҙәләрҙе теүәл үтәгеҙ”, - ти Юл хәрәкәте хәүефһеҙлеге дәүләт инспекцияһы хеҙмәткәре Ленар Зиннуров:
Ике ай эсендә Башҡортостан юлдарында 2 бала һәләк булған, 50-һе имгәнгән.
