Республикала балалар лагерҙары нигеҙендә ғаилә ял йорттары булдырылыуы ихтимал. Хөкүмәт Премьер-министры Андрей Назаров менән осрашыу барышында парламент депутаттары һауыҡтырыу лагерҙарын күп профилле ял үҙәктәре итеп үҙгәртеү башланғысы менән сыҡты. “Бөгөнгө ихтыяжды иҫәпкә алырға һәм булған мөмкинлекте дөрөҫ файҙаланырға тейешбеҙ”, - тигән фекерҙә парламент вице-спикеры Рөстәм Ишмөхәмәтов.
Башҡортостан парламентының сираттағы пленар ултырышы 31 мартта үтә. Иртәгә Дәүләт Йыйылышы – Ҡоролтайҙа Республика Хөкүмәтенең йыллыҡ отчеты менән таныштыралар.
