Рәсәйҙең оборона министрлығы запастағы хәрбиҙәрҙе саҡырып шылтыратыуҙар ойоштормай. Ведомствоның рәсми вәкиле Игорь Конашенков әйтеүенсә, һуңғы тәүлектәрҙә Рәсәй граждандарына ялған телефон шылтыратыуҙар булған. Бәйләнештәге тауыш абоненттарҙы хәрби комиссариаттарға килеүен талап иткән. Хеҙмәттәшебеҙ, радио алып барыусыһы Трофим Татарников та көтмәгәндә ошондай саҡырыу алған.
Илдең хәрби ведомствоһы был мәғлүмәт ялған булыуы һәм уның Украинанан таратылыуын белдерҙе. Ошо рәүешле сит илдең махсус хеҙмәттәре ҡотҡо һалып маташа. Оборона министрлығы запастағы граждандарҙы саҡырмай һәм планлаштырмай ҙа, тиелде 26 мартта уҙған рәсми брифингта.
Айнур Кәбиров
