Өфөлә 112-се Башҡорт атлы дивизияһы командиры, генерал-майор Миңлеғәле Шайморатовтың һәйкәлен асыу 2022 йылдың иң күркәм сараһы булырға тейеш. Был турала Башҡортостан башлығы Совет майҙанын төҙөкләндереү эштәре менән танышыу барышында белдерҙе.
Майҙанда 112-се Башҡорт атлы дивизияһы командиры, генерал-майор Миңлеғәле Минһаж улы Шайморатов иҫтәлегенә һәйкәл нигеҙен әҙерләнә. Радий Хәбировтың башланғысы менән легендар командирҙың бронза һыны тирәләй коллоналар ҡуйыу ҡарала.
Тәҡдимдәрҙе иҫәпкә алып Совет майҙаны биләмәһен төҙөкләндереү проектына төҙәтмәләр индерелде. Әле колонналарға нигеҙ һалынған. 9 майҙа иҫтәлекле урынды тәртипкә килтереп, тантаналы саралар планлаштырыла.
