Тармаҡ белгестәре, урындағы үҙидаралыҡ органдары етәкселәре, мәҙәниәт хеҙмәткәрҙәре ҡатнашҡан осрашыуҙа заман талаптарына яраҡлаштырып төҙөкләндерелгән китапханаларҙың эш тәжрибәһе өйрәнелде.
Былтыр Мораҡ ауылындағы учреждениеға ла «Мәҙәниәт» милли проекты сиктәрендә капиталь ремонт эшләнгән. Китап фондын һаҡлау өсөн иркен залдар, балаларға уйын зоналары булдырылған, яңы мультимедия ҡорамалдары һатып алынған. Семинарҙа ҡатнашыусылар билдәләүенсә, яңы һулыш алған китапханалар уҡыусылар һанын арттырырға булышлыҡ итә. Сара асыҡ һауала концерт менән тамамланды.
Гөлназ Хәйбуллина
