“Бөтә Башҡортостанға” тигән проект барышында “Салауат Юлаев” командаһы хоккейсылары көйәрмәндәр менән осраша, йәш уйынсылар өсөн оҫталыҡ дәресе бирә, шулай уҡ конкурстар, күңел асыу саралары ойошторола. Быға тиклем хоккей байрамы Саҡмағош, Сибай һәм Нефтекамала уҙғарылды. “Сарала балаларҙың күп булыуы ҡыуандыра”, ти хоккейсы Николай Кулемин.
Юлаевсылар бөгөн баш ҡалала көйәрмәндәр менән осраша. Сара киске алтыла “Өфө-Арена”ла башлана.
