Яңыраҡ спорт коллективы Нефтекама ҡалаһында сығыш яһаны. Хоккейсылар менән күрешергә йөҙәрләгән көйәрмән килгән, уларҙың күбеһе - кесе йәштәгеләр. Осрашыуҙа төп составтың бөтә уйынсылары, тренерҙар штабы, талисмандар һәм дәртләндереү төркөмө ҡатнашты.
Нефтекамаға сәфәр осраҡлы түгел, бында юлаевсыларҙың «Торос» фарм-клубы уйынсылары тәрбиәләнә. Оҫталыҡ дәрестәренән һуң, спорт мәктәбе һәм «Салауат Юлаев» хоккейсылары араһында иптәштәрсә матч уҙҙы. Быға тиклем Өфө хоккей клубы йыл һайын үтә торған «Сибай яҙы» турнирында оҫталыҡ дәрестәре күрһәткәйне.
Рәзилә Ғиниәтуллина
