Был мәсьәлә бигерәк тә сит илдәрҙән баҫым артҡан осорҙа көнүҙәк. Бөгөн Өфөлә милләт-ара мөнәсәбәттәр буйынса Башҡортостан Башлығы ҡарамағындағы Совет ултырышы үтә. Ул сәғәт ярымдан башлана. “Башҡортостанда 160-тан ашыу милләт вәкиле йәшәй. Беҙ улар араһында берҙәмлекте һәм татыулыҡты һаҡларға бурыслы”, - ти Республика халыҡтары Ассамблеяһы советы рәйесе Зөһрә Рәхмәтуллина.
