Тхэквондо түңәрәген республикала көрәш сәнғәте буйынса иң яҡшы остаз тип танылған 3-сө разряд ҡара билбау эйәһе Радик Иҙиәтов етәкләй. Йәш спортсылар халыҡ-ара, Бөтә Рәсәй һәм төбәк ярыштарында еңеүсе һәм призер исемдәрен яулай. Яңыраҡ секцияла тәрбиәләнеүсе ике үҫмер имтихандарҙы үтеп, ҡара билбауға лайыҡ булған.
Февраль аҙағында уҙған тхэквондо буйынса республика беренселегендә Шаран спортсылары 5 алтын һәм 3 көмөш миҙалға лайыҡ булып, командалар ярышында кубок менән бүләкләнгән. Түңәрәктә төрлө йәш буйынса 4 төркөм шөғөлләнә, күнекмәләр көн һайын үтә.
Рәзилә Ғиниәтуллина
